Theunis Cronjé is ‘n musiekskrywer en komponis in sy vrye tyd en het reeds 70 liedjies tot dusver, en die getal groei by die dag. Hy is veelsydig en enige lid van die publiek sal hom of haarself met hom kan vereenselwig. Hy is 35 jaar oud, skryf reeds vir die laaste 4 jaar musiek, maar sy liefde vir musiek kom reeds van kleintyd af. Hy het reeds ‘n paar eksklusieve optredes by patytjies gehou, en is geliefd onder sy vriende, en hy’s ook geken as ‘n grapmaker. Hy het ‘n liefde vir die Afrikaanse taal, en sing graag net sy eie musiek. Daar is ook ‘n paar engelse treffers maar sy voorliefde bly Afrikaans.

Theunis is ‘n kontrakteur van beroep, en het ondervinding in die musiek industrie opgedoen deur om die land te toer en klank produksies vir kunstenaars soos Ronnie Belcher, Phillip Moolman, Lulu van der Walt en Karien Hoffeldt (Nadine se ma) op feeste en skole te doen. Hy het baie ondervinding en aanvoeling vir die musiekwêreld omdat hy sedert sy Hoërskool jare reeds al die skoolsokkies en partytjies vir die meeste van Centurion se skole georganiseer het. Na skool het hy instansies soos bv. Momentum se werksfunksies en produk bekendstellings behartig.

Hy sien homself in die musiekbedryf soos ‘n moderne Johannes Kerkorrel of selfs ‘n Coenie de Villiers. Hy het goeie kennis van musiek skryf, maar het geen professionele- of tersiëre opleiding in musiek ontvang nie. Al sy musiek is gebore uit sy oor, is vars, en nuut tot die Afrikaanse mark.

Hy het in 1990 gematrikuleer aan Hoërskool Zwartkop, Centurion. Hy het al van kleintyd af ‘n aanleg vir die tegniese rigting getoon, en by Hoërskool Zwartkop het Theunis sy liefde vir motors ontwikkel. Hy is ‘n vernuftige motor werktuigkundige wat graag ou sportmotors opbou en restoreer. Hy is ook ‘n renjaer van formaat en spog graag met vele toekennings en eerste plekke op die baan. Theunis hou van spoed en is tans besig met nog ‘n projek wat die hare sal laat waai.

Hy is getroud en het sy liefde in sy lewe ontmoet op ‘n ouderdom van 26. Hy is ook baie familie vas en spandeer graag sy naweke saam met familie en vriende. Hy heg baie waarde aan dit wat die hart raak, en wat mense se lewens positief kan verander. Hy is ‘n baie reguit ou wat nie doekies omdraai nie, en hy is ‘n man van sy woord.